Педофилдерге химиялық кастрация жасалады

Соған қарамастан, облыс дәрігерлері мен полицейлері педофилдерге химиялық кастрация жасауға дайын екендігін жеткізді. 

ШҚО ІІД баспасөз қызметінің хабарлауынша, ең алдымен соттың өзі педофилге химиялық кастрация жасау туралы шешім шығаруы керек. Содан кейін ғана кәмелеттік жасқа толмаған балалар мен жасөспірімдерге жыныстық зорлық көрсеткен күдіктілерге мәжбүрлі түрде инъекция жасалып, дәрі-дәрмек беріледі. Бұл ер адам ағзасындағы тестостерон гормонын азайтуға мүмкіндік береді. Ал инъекция түрмеде немесе амбулаторияда жасалады. 

Айта кетейік, Қазақстанда 2018 жылдың бірінші қаңтарынан бастап «ҚР-ның бала құқығын қорғау жөніндегі заңнамаларына өзгертулер мен толықтырулар енгізу» туралы заңы өз күшіне енген болатын. Мұндай жаза түрі Еуропа мен АҚШ-та кең қолданылады.