Қазақстан «Бахус» фирмасының шампандары Жаңа жыл кезінде қазақстандықтардың көңілін қалдырды
Ойнақы шараптың дәмін татпақ болған адамдар ағаш тығыны бар бөтелкелерін аша алмай әлек болған
2018 жылдың басы әлеуметтік желідегі шағымдармен басталды, деп хабарлайды Sputnik Қазақстан сайты. Ондаған адам шампан бөтелкесіндегі тығындардың пластмассадан ағашқа ауыстырылғанына аң-таң. Тығындарды ашу қиындығы бір бөлек болса, оны қайтадан бітеп қою өз алдына қиындықтар тудырады.
- Бахус! Сен кештің шырқын бұздың! Дәстүрді бұзып не керек? Пластиктің орнына ағаш қойғаны несі. Кеше қағазға тілегімізді жазып, өртеп, ішпек болдық. Ақыры жаңа жылды ашылмай қойған тығынмен алысып өткіздік, - дейді астаналық тұрғын Әсел Абдуллаева.
«Бахус» компаниясының өкілдері мәселені мойындамай отыр. Қоғамдық және жалпы сұрақтар бойынша директор Олег Горшковтың айтуынша, мамандар тығынның шықпай қалуын түсінуге тырысуда. Олардың айтуынша, тығын ретінде дәстүрлі материалдың пайда болуы өнімнің сапасының артқаны көрінеді.