Қазақстан Қазақстанда автокөліктерді рәсімдеу арзандады
Ең алдымен, бұл көлік құралын тіркеу және мемлекеттік нөмірді сатып алу мен қалпына келтіру жеңілдеді
Әдетте көлікті сатып алу барысында сатушы оны тіркеуден шығарса, сатып алушы мемлекеттік баж салығын төлеген соң ғана көлік құралын тіркейді, деп хабарлайды zakon.kz сайты.
Ал мемлекеттік баж 2,8 АЕК құрайды. Жыл көлемінде қайта тіркеу туралы арыз 11 мыңға жетеді. Осылайша көлік иелері мемлекетке 63 миллион теңге төлейді. Салық кодексіне енгізілген өзгерістердің арқасында мемлекеттік нөмірді қайта тіркеу үрдісі 30 күнге тегін болады.
Сол сияқты жоғалтылған нөмірді қалпына келтіру құны да арзандады. Егер көлік құралының бір нөміріне 6 798 теңге төлесе, енді 1 қаңтардан бастап бұл сома 3 399 теңгеге төмендеді. Автосүйер қауым үшін бұл айтқысыз жеңілдік. Себебі жылына орта есеппен 1 900 адам нөмір жоғалтқаны туралы арыз жазады. Олар қазынаға 11 миллион теңгеден астам қаражат төлейді.
