Қазақстан Алматылық таксис жүргізушісі АҚШ азаматынан қызметі үшін 40 мың теңге алған
Алматының Медеу аудандық полициясы таксисттің дүниеқоңыздығынан зардап шеккен әйелге ақшасын қайтарып берді
Бұл туралы Zakon.kz сайты хабарлайды. Полиция қызметкерлері Алматының Халықаралық әуежайынан «Қазақстан» қонақ үйіне дейін тасымал жүргізіп, шетелдік жолаушыдан 40 мың теңге сыпырып алған таксистті ұстады
- Алғашқы болып қонақ үй қызметкерлері дабыл қағып, «102» нөміріне хабарласқан. Жеке такси қызметін атқаратын адамның кім екенін бірден анықтап, Ішкі істер басқармасына шақырдық. Ер адам шетелдік азаматтың бөтен қаладағы әлсіздігін пайдаланып, жолақысын қасақана көтергенін мойындады. Ол 53 жастағы әйелдің ақшасын қайтарып берді. Шетелдік азамат көмек көрсеткен қазақстандықтарға алғысын білдірді. Біз такси жүргізушісімен құқықтық түсіндірме жұмыстарын жүргізіп, ел атына кір келтіретін әрекеттерге жол бермеуді талап еттік, - деп хабарлайды Медеу аудандық ІІБ басшысы, полиция мойоры Болат Тотыбаев.
