Қазақстан Қазақстанда жүргізушілерге салынатын айыппұл көлемі азайды
Ал кейбір заңбұзушылықтарға айыппұл салынбай, ескерту ғана берілмек
Мәжіліс депутаттары Әкімшілік құқықбұзушылық жөніндегі кодекске өзгерістер енгізуді бір ауыздан мақұлдады.
Бұл толықтырулардың ішінде айыппұлды он күннің ішінде төлеген айыптыларға жеңілдік жасау жөніндегі шешім тұрғындар үшін маңызды болып отыр.
Сонымен қатар, көлік кептелісіне себеп болған жүргізушілерге салынатын айыппұлдың көлемі 10 айлық есептік көрсеткіштен 3 айлық есептік көрсеткішке дейін төмендетілді.
Егер бұған дейін қарсы бағытқа шығып, жол ережесін бұзғандар жүргізуші куәлігінен бір жылға айырылса, енді бұл уақыт мерзімі алты айға дейін кемітілді. Ал фар жақпаған жүргізушілерге 3 АЕК бойынша айыппұл салынады, бұған дейін 5 АЕК болатын.
Жылдамдық асырған жүргізушілерге берілетін айыппұл 10 АЕК-тен 5 айлық көрсеткішке дейін азайтылды.
