Қазақстан Қазақстанда пластик пакеттер жасауға тыйым салуы мүмкін
Пластик, целоффан пакеттер қоршаған ортаның ластануына себеп болатын қалдықтар
ҚР Энергетика министрлігі әлемдік тәжірибені талдай келе, полиэтилен пакеттердің қолданудың зиян екендігін ескеріп, одан біртіндеп бас тартудың амалдарын жасамақ, деп хабарлайды Zakon.kz.
Ең алдымен, полиэтилен пакеттерді тегін таратуды тоқтату.
Екіншіден, полиэтилен пакеттерді сатуға біртіндеп тыйым салу.
Ал өз кезегінде, KazWaste ассоциациясы министрліктің бұл бастамасын қолдап отыр. Алайда полиэтилен пакеттерді сатуға біртіндеп тыйым салуға келіспейді, өйткені полиэтилен дорбалар гигиенаны сақтайды, онсыз нан, сүт, ет өнімдерін сақтап, тасымалдау мүмкін емес. Сонымен қатар, Қазақстанда пакет өндірісінде жұмыс істейтін жүздеген тұрғынды жұмысынан айырады.
Ал «Атамекен» кәсіпкерлер палатасы бұл шешімді кәсіпкерлердің бәсекелестік құқығына нұқсан келтіреді деп отыр.
Министрлік екі кәсіпорынның пікірі мен көзқарасын ескере келе, кейбір азық-түлік түрлерін тасымалдауға арналған пакеттерді өндіруге келісім берді.
