Қазақстан Қазақстанның кейбір облыстарында азық-түлік бағасы күрт қымбаттап кетті
Әсіресе, қараша айының соңында қияр бағасы 28 пайызға, қызанақ 27 пайызға өсіп кеткен
Ал орамжапырақ, сәбіз, пияз (сарымсақ) сынды көкөніс түрлері аса қымбаттай қойған жоқ. Бұл көкөністер, шамамен, 2-4 пайызға қымбаттаған.
Жеміс-жидектен апельсиннің бағасы 4 пайызға, банан 3 пайызға, алма 1,5 пайызға өсті.
Қазақстандағы көкөніс пен жеміс-жидек бағасын реттеп отыру үшін үкімет Шымкент қаласында 20 шақты әлеуметтік бағада азық-түлік сататын дүкендерді ашып қойған. Бұл дүкендер желтоқсан айының соңына дейін жұмыс жасамақ.
Ал Қызылорда облысы 300 мың тонна көкөніс пен жеміс-жидек сатып алып қойған. Бұл облыс та көкөніс пен жеміс-жидекті төмен бағада сататын әлеуметтік дүңгіршектерді көптеп аша бастаған.
