Қазақстан Қазақстанда бедеу еркектердің саны екі есеге азайған
«Ер адам денсаулығы орталығы» 25 мың еркекке тексеріс жасаған.
Оның 30 пайызы бедеу, 44,2 пайызы инфекция жұқтырған, ал 56,3 пайызы эректильді функциясында ақау бар болып шыққан.
- Ауруға душар болмау үшін дене гигиенасын сақтау қажет әрі темекі мен арақ өнімдерін тұтынбаған жөн, - дейді Мемлекеттің сыйлықтың иегері, медицина ғылымдарының докторы, ҚР Денсаулық сақтау министрлігінің бас урологы Мырзакерім Алшынбаев.
Бас урологтың сөзіне қарағанда, елде бедеу еркектердің саны екі есеге азайған.
- Ер адамдар өз денсаулығына қарайтын болды. Кез келген облыс орталығында ер адамның денсаулығына тексеріс жүргізетін орталықтар болады. Соған барып қаралу керек. Сіздерге бір дерек айтайын. Осындай орталықтарды ашудың арқасында ер адамдардың бедеулік дертіне шалдығуын екі есеге азайта алдық. Мәселен, бұрында ер адамдардың 32 пайызы бедеу болса, қазір – 16 пайыз, - дейді бас уролог.
