Астана вокзалында әркімге қолжетімді пианино қойылды
"Astana" әлеуметтік-кәсіпкерлік корпорациясының бастамасымен астана тұрғындары мен қонақтарына «Барлығына арналған пианино» жобасы ұсынылды
Музыкалық аспап жаңа «Нұрлы жол» теміржол вокзалының аумағына қойылды, деп хабарлайды Астана әкімдігінің сайты. Енді қала тұрғындары мен қонақтары өздерінің сүйікті музыкалық шығармаларын тегін орындай алады. Онда өзін танымал маэстро сезініп, көпшіліктің алдында замануи және классикалық композицияларды орындауға мүмкіндік жасалды.
«Мұның алдын «Astana» ӘКК бастамасы бойынша «Хан Шатыр» сауда-ойын-сауық орталығының жерасты өткеліне пианино қойылған болатын. Жоба үлкен табысқа жетті», - деп жазылған компанияның баспасөз қызметінің хабарламасында.