Қазақстан Қазақстанда жолаушылар мен жүк тасымалы бойынша санитарлы эпидемиологиялық талап бекітілді
ҚР Денсаулық сақтау министрлігі «Жолаушылар және жүк тасымалына арналған көлік құралдарының санитарлы эпидемиологиялық талаптары» бұйрығын бекітті.
Санитарлы талаптар жолаушыларды, азық-түлікті, шикізаттарды, суды, радиобелсенді, қауіпті химиялық және токсикалық заттарды, жүкті тасымалдауға арналған көлік құралдарын пайдалану, жобалау талаптарын анықтайды, деп хабарлайды Zakon.kz сайты.
Осыған байланысты жолаушылар мен көлік құралдарын тасымалдаушы көлік құралдарының қызметкерлері міндетті түрде медициналық қаралудан өтеді.
Мұнымен қоса, жұмыс орындары медициналық қобдишамен жабдықталады.
Көлік құралдарын тазалап, дезинфекциялау үшін ҚР қолдануға рұқсат етілген жуу және дезинфекциялау құралдары пайдаланылады.
Көлік құралдарын пайдалануға беру «Халық денсаулығы және денсаулық сақтау жүйесі туралы» Кодекске орай беріледі.
Бұйрық ресми түрде жарияланған соң 21 күнтізбелік күн ішінде күшіне енеді.
