Астанадағы үнді жұмысшылары елден шығарылады

Бұл жайында "Arabtec Holding PJSC" компаниясының басшылығы айтты. Бұл компания "Абу-Даби Плаза" кешенін салып жатқан мердігер компания саналады. - Компанияның басшылығы «Абу-Даби Плаза» құрылыс орнында қоғамдық тәртіпті бұзғаны үшін 61 шетелдік жұмысшы еліне қайтарылады. Оның ішінде 23 жұмысшы бір тәуліктің ішінде еліне қайтарылатын болады, - дейлінген Астана әкімдігінің ресми сайтында. Сонымен қатар, Астана әкімдігі құрылыс алаңында мұндай оқиғаның қайта қайталанбауын талап етіп, шетелдік жұмысшыларға ҚР заңнамаларын қатаң ұстанғануға шақырды. Естеріңізге сала кетейік, 2 қыркүйек күні Астана қаласында жергілікті жұмысшылар мен шетелден келген жұмысшылардың арасында араздық туып, аяғы төбелеске ұласқан еді. Үнді елінен келген екі жұмысшы ауруханаға түскен болатын.