Облыстық мешіттің автотұрағы жөнделмек

Мешіт ғимаратын салу барысында автокөліктер тұратын орынның құрылыс жұмыстары сәтсіз жасалғандықтан, төбеден су тамшылап тұрған еді. 

Облыстық мешіттің бас имамы Ермек қажы Тасболатұлының айтуынша, автотұрақты қайта жөндеуге облыс кәсіпкерлері қолдау білдіріп отыр. 

- Аймақ басшысы Даниал Ахметовқа алғысымыз шексіз. Қайырымдылық шараларға қолдау көрсетіп отырады. Автотұрақты жөндеуге облыс әкімінің ұйымдастыруымен кәсіпкерлер тарапынан қаржылай қолдау білдіріліп отыр. Діни ұйым болғандықтан, бізге мемлекеттік қазынадан ешқандай қаражат бөлінбейді, - дейді Ермек қажы Тасболатұлы.

Жөндеу жұмыстары Құрбан айт мейрамы аяқталғаннан кейін басталмақ.