Қазақстанда АХАЖ бөліміне тіркелмеген діни некелерге қарсы жаза қолданылмақ

Ресми тіркелуден бас тартқан, тек діни жоралғылар бойынша некесін қиған жастар жауапкершілікке тартылуы мүмкін. Бұл жайында Дін істері және азаматтық қоғам министрі Нұрлан Ермеков айтып отыр. Министрдік сөзіне қарағанда діни әрекеттер мен діни бірлестіктер жөніндегі заң жобасы биыл қазан айында мәжіліс қарауына жіберілмек. - Кейде неке қиюшы азаматтар мен азаматшалар ресми органдарға келіп тіркелуден бас тартады. Ал заң бойынша бұл дұрыс емес. Бұған тоқтау салу керек. Мұны діни жоралғылар бойынша некесін қиып, АХАЖ бөліміне тіркелуден бас тартқан азаматтарды жазалау арқылы тоқтатуға болады, - дейді министр.