Бүгін қазақстандықтар айдың тұтылуын көре алады

Бұл туралы Sputnik Қазақтан сайтына Солтүстік Қазақстан мемлекеттік университетінің доценті Андрей Солодовник хабарлаған, деп мәлімдейді alashainasy.kz сайты - Өткенге көз жүгіртетін болсақ, аспанда айдың тұтылуының болмағанына біраз болды. Соңғы рет айдың толық тұтылуына алты жыл бұрын куә болдық. Тамыздың 7-сінен 8-іне қараған түні біз үшін тосын сый болмақ. Әзірге жартылай болса да. Жартылай дегеніміз - жер көлеңкесінің қараңғысына толық Ай дөңгелегінің бір бөлігі бөленеді. Яғни түн басталған кезде Ай толық болады, бірақ құбылыс дами келе, оның үлкен бөлігі байқаушылар үшін "жоғала" бастайды", - деді агенттікке берген сұхбатында Солодовник. Андрей Солодовниктің атап өтуінше, тамыз айы – ерекше ай болмақ, өйткені тұтылу түні қосымша тосын сыйлар да болуы мүмкін. "Ең алдымен, бірден бірнеше белсенді метеорлық ағынмен байланысты тамаша жарқын метеорлар болуы мүмкін. Олардың арасында ең бастысы - атақты Персеидтер. Дегенмен, бұл басқа оқиға. Бірақ осыған байланысты сәтті жіберіп алмаңыздар", - деп түйді Солодовник.