Қазақстан ШҚО-да орман өрті үш есеге өскен
Жылдың басынан бері облыста 150 орман өрті болған. Бұл алдыңғы жылдың жартыжылдығымен салыстырғанда үш есеге артық
Мамандардың сөзіне қарағанда, бұған себеп - найзағай.
Бесқарағай, Бородулиха аудандары мен Семей қаласы маңындағы ормандарда өрт көп болған.
- Дегенмен, өртенген аумақтың ауданы үлкен емес. Мамандардың есебінше, өрт болған аумақтың жалпы көлемі 150 гектер. Өрттің көбі найзағайдың кесірінен болып жатыр. Ауа-райы әлі де құбылып тұр, - дейді ШҚО ТЖД өрт қауіпсіздігі саласындағы профилактикалық қызмет басқармасының басшысы Ринат Қондыбаев. - Тек үш жағдай ғана қасақана өрт қоюдың кесірінен болған.
Дала өртінің саны артқан. Былтырғы жылмен салыстырғанда дала өрті 3 есеге көбейген. 560 өрт сөндірілген. Жергілікті атқару органдары 77 орман өрті мен 567 дала өртін сөндіре алған.
Авторы: Қымбат Слямбеков
