Астаналық кәсіпкер жоқ-жітіктерге тегін нан таратуда

Астана қаласы әкімдігінің хабарлауынша, нан күн сайын таңғы сағат 8.30-дан бастап таратылады екен. Мекенжайлары: Есенберлин көшесі, 2-үй және Жеңіс даңғылы, 55-үй. Нан арнайы орынға қойылған.

- Бұл маркетингтік немесе жарнамалық қулық емес. Бұл - мен бастаған қызметкерлер тобының ниетімен жасалған игі іс. Шынымен де, нанды ақшасы жоқтар алады. Алғысы келген адам нанды қалағанынша ала алады, - дейді кәсіпкер Алмас Ким.

Кәсіпкердің айтуынша, тегін нан науқанын былтырдан бері бастаған.

- Егер өзге де кәсіпкерлер біздің бастамамызды жалғастырғысы келсе, онда құба-құп. Біз әрқашан көмектесуге дайынбыз, - дейді Алмас Ким.