Қазақстан Қарағанды кәсіпкерлері ауыл тұрғындарына көмек берді
Малдары індеттерден қырылған ауыл тұрғындарына көмек беру мақсатында үш миллион теңге шамасында қаражат жиналған
Қарағанды облысына қарасты Нұра ауданының Мыңбаев, Заречное және Тассуат ауылдарының тұрғындары пастереллез салдарынан қырылып қалған малдарына ақшалай қайырымдылық көмек алды, деп хабарлайды www.inform.kz сайты тілшілері.
Қаражатты шағын және орта бизнес өкілдері жинады. Олар Нұра аудандық қоғамдық кеңесінің індет салдарынан малдары қырылып қалған ауыл тұрғындарына мүмкіндігінше өтемақы төлеуді ұйымдастыру туралы ұсынысын бірауыздан қолдады.
Айта кетейік, маусым айының басында Қарағанды облысы Нұра ауданына қарасты Мыңбаев, Заречное және Тассуат ауылдарында 96 бас мал қырылып қалған болатын. Облыстық ветеринарлық зертхана жануарлардың пестереллезден қырылғандығын анықтады. Тағы 319 бас мал ауруға шалдықты.
