Қазақстан «ЭКСПО-2017» аумағында ешқандай қылмыс тіркелген жоқ
Көрмеге келген шетелдік қонақтар елордалық полицейлерге біріккен үйлесімді жұмыстары үшін алғыс білдіруде
Бұл жайында Астана медиа орталығының тілшілері хабарлайды.
Күні кеше «Mega Silk Way» сауда-ойын сауық орталығында полицейлер қызметін атқару барысында қымбат зергерлік бұйым тауып алып, жедел иесін анықтаған.
- Қымбат металдан жасалған білезікті ҚХР азаматшасы абайсызда жоғалтып алған. Қажетті процессуалды іс-әрекеттер жүргізілгеннен кейін сәндік бұйым қайтарылған, - деді ІІД баспасөз қызметінің басшысы С.Қылышбекова.
Естеріңізге салайық, бұл шетелдік қонақтардың тәртіп сақшыларына білдірген алғашқы алғысы емес. Мысалы, полицейлер адасып, қалааралық автобуспен Астанадан өтіп кеткен ағылшын азаматшасын қонақ үйге дейін жеткізген, сонымен қатар, Испанияның екі азаматына таксиде ұмытып кеткен жүгін қайтаруға көмектесті.
- Полицейлердің біріккен, жүйелі жұмысының арқасында көрме алаңында бірде-бір криминалдық жағдай тіркелген жоқ,- деп түйіндеді С.Қылышбекова.
