Қазақстан Сарыарқа ауылдық округінің зейнеткерлері ЭКСПО-2017 халықаралық көрмесіне аттанды
Қариялар ЭКСПО-2017 көрмесін тамашалау үшін Алматы-Павлодар поездымен Семейге дейін, 22 маусым күні Семейден Ленинагорск-Астана поездымен барады
Бұл бүкіләлемдік көрмеге бара жатқан аягөздік зейнеткерлердің бір бөлігі ғана. Аягөз ауданының Сарыарқа ауылдық округінен шыққан зейнеткерлер ЭКСПО-2017 көрмесін тамашалап, Астананың әдемі жерлерімен танысады. Елордамызда 2 күн аралайтын жерлестеріміздің ең үлкені 78 жаста, ең жасы 59 жаста.
Ел тарихындағы ең маңызды оқиға ЭКСПО-2017 көрмесін көруге, түрлі мәдени, спорттық, шараларға қатысуға, мұражайларды аралауға «Арғанат» ЖШС директоры, белгілі кәсіпкер Мұстафин Амангелді Шакенұлы 1 600 000 теңгеге демеушілік жасап ауданның 418 зейнеткеріне билеттер табысталған.
Сондай-ақ, Астанаға баруы үшін жергілікті бюджеттен арнайы қаржы бөліп, Аягөз адунынан топ-топқа бөлінген студенттер, оқушылар көрмені тамашалауға аттандырылуда.
Авторы: Айдос Мырзахметов
