Қазақстан "ЭКСПО-2017" көрмесін тамашалауға келгендер саны анықталды
Бүгінгі таңда дүние жүзінің түкпір-түкпірінен «ЭКСПО-2017» халықаралық көрмесіне бір миллионнан астам адам келген
"ЭКСПО-2017" басқарушы директоры Бейбіт Қарымсақовтың айтуынша, көрмені тамашалауға жиналғандар саны бір миллионнан асқан, деп хабарлайды «Қазақстан-2050».
- Өткен аптада біздің павильонға 205561 адам келген. Келгендер саны 1 миллион 57 мың 218 адамды құрайды. Негізгі нысандарға кіргендер бойынша есеп - 167 мың 884 адам. Олардың ішінде басты павильон «Нұр Әлемді» 86,5 мың адам тамашалаған. Ал шетелден келген 26 мың адам біздің нысандарда қонақ болып үлгерді. Жалпы, бір адам орта есеппен 5-6 нысанға барып үлгереді. Аталған мерзім ішінде мектеп жасындағы 10 мың оқушы, 2 мың мүгедек азаматтар, ардагерлер мен оларға теңестірілгендер халықаралық көрмеге келді, - деді Бейбіт Қарымсақов.
"ЭКСПО-2017" көрмесі штаттық режімде жұмыс істеуде.
