Қазақстан Өскемен жағажайларында тексеріс басталды
Өткен демалыстың өзінде 3 адам суға кеткен. Ал сенбі күні қаладағы су қоймаларының бірінде 1997 жылғы жап-жас жігіт суға тұншығып қайтыс болды
Шомылу маусымы басталмай жатып-ақ адамдардың шығынға ұшырауы Төтенше жағдайлар басқармасының шұғыл шараларды ұйымдастыруына түрткі болған. Сондықтан құтқарушылар жағажайларда тексеріс жұмыстарын жүргізуге кіріскен.
- Патрульдік топтың басты мақсаты - қарапайым тұрғындарға қауіпсіздік шараларын ескерту. Ал біздің мақсатымыз - оқиғаның алдын алу. Шомылу маусымында біз жиі рейдке шығып тұрамыз. Рейд барысында түсіндіру жұмыстарын жүргізіп, рұқсат етілмеген аймақтарда суға түскен азаматтарды анықтаймыз, - дейді Өскемен қаласы ТЖБ баспасөз хатшысы Марина Лискова.
Құтқарушылар демалушылар арасында түсіндіру жұмыстарын жүргізіп, ескертпе нұсқаулықтарын таратқан.
Қымбат Слямбеков