Қазақстан 27-29 сәуір күндері күн суытады
Қазақстандық синоптиктер 27-29 сәуір күндері жауын-шашын болатындығын болжап отыр.
Кавказ аймағы мен Батыс Қазақстан облысындағы антициклонның аймақтан шегінуіне байланысты бұл облыста 3 күн бойы күн жылы болады.
Ал республиканың қалған аудандарында полярлы ауа фронты өтеді, кейін арктикалық суық атмосфера қабаты орнайды. Соған байланысты алдағы күндері жайын-шашын көбейіп, күн суытады. Республиканың оңтүстік-шығысында ақтты жел тұрып, бұршақ жауу қауіпі бар. Желдің жылдамдығы 15-20 м/с болады.
Егер өткен аптада ауа температурасы қалыпты нормадан 4-8 ºС градусқа жоғары болса, 28-29 сәуір күндері орталық, оңтүстік және оңтүстік-шығыс аймақтарда ауа температурасы климаттық нормадан 2-5 ºС градусқа дейін төмендейді.
