«II Республикалық имамдар форумының» құжаттары талқыланды

Жиынға аудан, қала, облыстық мешіт имамдары мен ұстаздары қатысты.

Басқосуда ҚМДБ Өскен аймағы өкіл имамы Ермек қажы Қасболатұлы имамдар форумының мақсаты мен маңыздылығын жан-жақты сараптап, форумда қабылданған Үндеу мен Тұжырымдаманы имамдарға таныстырып өтті.

«Бүгінгі таңда имамдарға жаңаша талап қойылып отыр. II Форумда қабылданған Үндеу мен Тұжырымдаманы насихаттау, жүзеге асыру алдағы уақыттағы бізге жүктелген басты міндеттердің бірі деп қабылдаймыз. Тұжырымдамада имамдардың міндеттері мен діни қызметке қойылатын талаптар жан-жақты сарапталған» деп атап өтті жиында, өкіл имам.

Сонымен қатар аталған құжаттарды насихаттау барысында бірқатар жиындар жоспарланатындығын жеткізіп, осы құжаттарды насихаттау бағытында имамдарға нақты тапсырмалар берді.

Шығыс Қазақстан облыстық
«Халифа Алтай» мешітінің баспасөз қызметі