Биыл жолдар уақытылы жөнделмеуі мүмкін

Яғни, уақытылы өткізілген тендерлік конкурстан жеңіске жеткен мердігер компаниялар қаңтар айынан бері құрылыс жұмыстарының жобалық-сметалық құжаттарын дайындай алмай отыр. 

- 28 қаңтар күні барлық мердігер компаниялар  жобалық-сметалық құжаттарды ұсыну керек болды. Алайда олар дайын болмай, барлығы ақпанға, кейін наурызға шегерілді. Енді, міне, сәуір айы да келіп қалды. Егер тендерлер мамырда жүргізілсе, онда мердігерлер жұмыстарын тек шілдеде бастайды. Ал біз Өскемен қаласының тарихында болмаған 9 млрд теңгені жолдардың жөндеу жұмыстарына бөліп отырмыз. Бұл өткен жылға қарағанда 10 есе артық, - деді аймақ басшысы Даниал Ахметов.

Жергілікті билік тарапынан барлық қажетті жұмыстар уақытылы жүргізілгенімен, мердігерлер қажетті кестеден қалып келеді. Сондықтан өңір басшысы барлық мердігерлердің тендерлік құжаттарын тексеріп, барлық табылған олқылықтарға қатысты шара қолдануды тапсырды.