Қазақстанда кімдерге үйленуге болмайды?

Әділет министрлігінің ресми өкілі Олжас Рамазанов өзінің Facebook парақшасында қандай тұлғалар некеге отыра алмайтындығы туралы ақпаратты жариялады. 2011 жылдың 26 желтоқсанындағы №518- IV ҚР «Неке және отбасы» Кодексінің 11-бабына сәйкес, төмендегі тұлғалар некеге отыра алмайды: 1. бір жынысты тұлғалар; 2. жұптағы тұлғалардың біреуі заңды түрде некеде болса; 3. жақын туыстарға; 4. асырап алушы мен асырап алынған, асырап алушының балалары мен асырап алынған балалардың арасында; 5. сот шешімімен екі тұлғаның біреуі психологиялық аурудың салдарынан әрекетке қабілетсіз деп танылған жағдайда.