Семейдегі әскери командир лауазымынан айырылды

- Әскери соттың үкімі бойынша пара берген және пара алған екі азаматта Заңның 366-бабы, 3-бөлімінің 4-тармағы бойынша (пара алғаны үшін) кінәлі деп танылды. Сондықтан әр азаматқа 21 млн теңге көлемінде айыппұл тағайындалды және өмір бойы мемлекеттік қызметте жұмыс істеу құқығынан айырды. Семей қаласының қорғаныс істері басқармасының басшысы лауазымында болған полковник өзінің әскери дәрежесінен айырылды, - деп хабарлайды мекеменің баспасөз қызметі.  

 Іске қатысты ақпараттарға жүгінсек,  қорғаныс істері басқармасының басшысы 20 қаңтар күні жедел әскери қызметке жіберілетін азаматтың құжаттарын аз уақыттың ішінде әзірлеп шыққаны үшін 300 мың теңге көлемінде ақы алу барысында жемқорлыққа қарсы қызмет мамандарына ұсталды. 
 
Сот залында айыпкерлер өз кінәларын толығымен мойындады.