Халық смс-хабарлама алатын болады

Аталмыш қызмет Өскеменде де іске қосылды. 

- Бұл қызмет халыққа тегін көрсетіледі, - «Халыққа қызмет көрсету орталығы» департаментінің директоры Азамат Есембулов. - Аталған қызмет көрсетілген мемлекеттік қызмет сапасын бақылауға мүмкіндік береді және халық үшін тиімді. Қызмет алушы құжаттың берілу күнін шатастырып, ХҚКО-ға бірнеше рет бармай, тура дайын болған күні келіп алуына ыңғайластырылған. Азаматтарға кейіннен көрсетілген қызмет сапасын бағалау үшін тағы бір смс-хабарлама келеді. Ол үшін 1414 нөміріне 1-ден 5-ке дейін бағаны жолдау керек.

Айта кетейік, одан өзге  Халыққа қызмет көрсету орталығының қызметін алу үшін Telegram қосымшасы арқылы кезекті алдын ала алып қоюға болады. Бірақ әзірге мобильді бронь тек Астана мен Алматыда іске қосылған. Қосымшаның көмегімен азаматтар жақын маңдағы Халыққа қызмет көрсету орталығының мекенжайы мен ондағы дәл сол сәттегі кезектілігін көре алады. Егер осы қызмет өз тиімділігін көрсетсе, елдің өзге қалаларының тұрғындары да осындай мүмкіндікке ие болады.