ҚР Білім басқармасы ҰБТ-да қазақ тілінің алынып тасталғандығын түсіндірді

«Қазақ тілі» пәні ҰБТ-дан алынып тасталғанымен, міндетті қорытынды аттестацияға кіреді, деп хабарлады «Казинформ» ХАА.

- Орыс тілді мектеп оқушылары бұрын ҰБТ-да «қазақ тілінен» тест тапсырғанымен, ондағы балл саналмайтын. Қазір оны мүлде алып тастадық. Бірақ қорытынды аттестацияда қалдырдық, - дейді ҚР БҒМ жоғары, ЖОО-дан кейінгі білім беру департаментінің директоры Дархан Ахмедзакиев.

Бұл жауап кездесуге қатысушылардың көңілінен шықпады. Олар өзге елдерде тіл біліміне міндетті түрде тест тапсыратындығын алға тартты. Мәселен, Англияда оқу үшін IELTS, АҚШ-та - TOEFL, Францияда – Delta тапсыру керек. Қазақ тілінен тест тапсыру оны меңгеруге деген қызығушылықты арттырар еді.