Өскеменде жаңа бағдаршамдар пайда болады

Сонымен қатар қаладағы ескі бағдаршамдардың бірі жөндеуден өткізіледі.

- Питер Коммунарлары – Новатор, Космический – Михаэлис, Орджоникидзе – Пермитин, көшелерінің қиылыстарына жаңа бағдаршамдар орнатуды көздеп отырмыз, - дейді ШҚО ІІД ӘПБ бөлімінің басшысы Сергей Коваленко. - Сонымен қатар, Өтепов – Достық көшесінің қиылысындағы бағдаршамды қайтадан қалпына келтірмекпіз.

 
Тәуелсіздік даңғылы 8/1 мекенжайына реттегіш орнату туралы ұсыныс келіп түскен. Себебі ол жерде жаяу жүргіншілер мен көлік ағыны толассыз.

Айта кету керек, қазір облыс орталығында 5 ескі бағдаршам ғана қалды. Олар Бажов және Ворошилов көшелерінде, сонымен қатар Айналма тас жолы – Меновное өңірінде орналасқан.