Құлаған Ертіс көпірінің әлегі аяқталған жоқ

Естеріңізге сала кетсек, қараша айында құрылысы жүріп жатқан ертіс көпірінің ескі бөлігі құлап кеткен, кейін оның сынық бөлігін алып тастау жұмыстары жүргізілді. 

- Жарты жыл бұрын көпір құлағанда тексеру жұмыстарын жүргіздік. Мердігер мекеме әкімшілік жауапкершілікке тартылды. Бірақ уақыт өте көпірдің сынық бөлігін алу барысында ол бөлік  Ертіс өзеніне құлайды.  Бұл оқиғадан кейін тағы бір мәрте тексеру жүргізіліп, 200 АЕК айыппұл салынды, - деді ШҚО прокурорының орынбасары Виталий Шабер. 

Яғни, Ертіс көпірінің құлауына қатысты тексеру жұмыстарын облыстық прокуратурадан бөлек, Жер қатынастары бөлімі мен Экология департаменті жүргізуде. Экология департаментінің сараптама жұмыстары әлі де аяқталған жоқ. Олардың тексерісінен кейін тигізіліген залалдың мөлшері анықталып, тиісті шаралар қолданылады.