Қазақстан Аягөзде 600 орындық екі мектеп ел игілігіне беріледі
«Нұрлы жол» бағдарламасының аясында Шығыс Қазақстан облысының Аягөз қаласында екі мектеп бой көтермек. Бұл туралы өңір басшысы Даниал Ахметов халық алдындағы есебінің барысында айтты
Аягөз ауданының тұрғыны Саят Ибраев ШҚО әкімінің халық алдында есебі кезінде Аягөз қаласындағы екі мектепте балалардың үш ауысымда оқып жатқандығын айтып, осы мәселенің қашан шешілетінін сұрады.
- Биыл аудан орталығында 600 орындық мектептің құрылысын бастадық. Екі айдан соң тағы бір 600 орындық білім ордасы бой көтере бастайды. Бір жыл төрт айдың ішінде Аягөз қаласында үш ауысыммен оқу мәселесі толықтай шешіледі, - деді Даниал Ахметов қойылған сұраққа жауабында.
Сонымен қатар, өңір басшысы биыл Аягөз ауданындағы ауыз сумен қамтамасыз ету мәселесін толықтай шешу үшін тиісті қаржының бөлінгендігін де хабарлады.
