Қазақстан Қар көшкіні кезінде қаза тапқан қазақстандық әскерилердің отбасыларына өтемақы төленеді
Жамбыл облысындағы Қазақстан әскерилерінің отбасыларына материалдық көмек көрсету мәселесін үкіметтік комиссия қарастыруда
- ҚР «Әкери қызмет және лауазым» Заңының 51 бабына сәйкес егер әскери қызмет барысында әскерилер қаза табатын болса, онда оның отбасына әскери адамның қаза тапқан уақытындағы лауазымын ескере отырып, 5 жылдық еңбекақысының көлемі төленеді, - делінген ақпаратта.
Өткен жұмада Жамбыл облысы Көксай аңғарында 91678 әскер бөлімінің жоспарлы оқу-жаттығу жұмыстары барысында қар көшкіні орын алды. Жаттығу жұмысына 23 адам қатысты, олардың 7-уі қаза тапса, 8-і әскери ауруханада жатыр.