Өскемендегі трамвай бағасы тұрақты болып қалмақ

- Әзірге тарифті өсіру туралы сөз жоқ. Бізге осы қалпымызды сақтап қалудың өзі маңызды, - деді мекеме директоры Анатолий Успенский. 
Трамвай жол ақысы соңғы рет 2015 жылдың қараша айында көтерілді. Бүгінгі таңда ерексектердің билеті 65 теңге, балалардың билеті 30 теңге тұрады. 
Қоғамдық көліктердің жол ақысы өскен уақытта, трамваймен қатынау 1,5 есеге арзан болмақ. 
Айта керу керек, қоғамдық көліктің жол ақысы бастапқыда жоспарланғандай 1 ақпаннан бастап көтерілмейді. Өйткені жол ақысын қала әкімінің БАҚ-қа жариялаған қаулысы 10 күн өткеннен кейін ғана қымбаттату мүмкін болады. Ал оған дейін барлық құжаттар Әділет департаментінде тіркелу керек. 
Ақпан айында тұрғындарға арналған жол жүру билеттерінің құны 7000 теңгені құрамақ. 
Ал Семей қаласында жол ақысы тұрақты және ешқандай баға өсімі жоспарланбаған. 
- Жол ақысын өсіру туралы нақты ешқандай ұсыныстар келіп түскен жоқ. Қазіргі уақытта Семей қаласындағы қоғамдық көліктердің жол билеті 60 теңге тұрады, - деді Семей қалалық ішкі саясат бөлімінің маманы Мейіржан Миратұлы. 
 
 Ерке Биғазина