Қазақстан Тазаланбаған қар үшін 12 астаналық ПИК айыппұл алды
Елордадағы 12 пәтер иелері кооперативіне 567 250 теңге көлемінде айыппұл тағылды. Былтыр бұл көрсеткіш шамамен 8 миллионға жеткен
Жаңа жыл басталмай жатып тазартылмаған қар, қатқан мұз бен қоқыс үшін 12 ПИК әкімшілік жауапқа тартылды, деп хабарлайды Zakon.kz.
- Жалпы 2016 жылы бекітілген үйлер маңайындағы тазарту жұмыстарын уақтылы және сапалы жүргізбегені үшін, подъезд алдында хабарландыру тақтасының болмағаны үшін 189 ПИК, 7 762 860 теңге көлемінде әкімшілік жауапқа тартылды, - дейді Астана қаласы ІІД ЖПҚ.
Естеріңізге сала кетейік, абаттандыру саласындағы ережелер мен нормаларды бұзу үшін ҚР ӘҚ Кодексінің 505-бабы бойынша ескерту немесе айыппұл түрінде жаза қарастырылған. Заңды тұлғаларға 20 АЕК, шағын, орта және ірі кәсіп иелері 30-дан 100 АЕК көлемінде айыппұл салынады.