Қазақстан Қазақстанда бірден бірнеше ірі компаниялардың қызметі тексерілмек
Қазақстан Президенті Қазақстан экономикасын монополиясыздандыру жөніндегі жарияланған реформалар аясындағы бәсекелестікті қорғау және дамыту агенттігі басшысының баяндамасын тыңдады
Серік Жұманғарин Қасым-Жомарт Тоқаевқа бұрын агенттікке берілген тапсырмаларының орындалуы туралы айтып берді, деп хабарлайды ҚР Президентінің сайты.
Қазіргі уақытта Eurotransit NurZholy ЖШС, "Қазфосфат" ЖШС, "Қазақмыс корпорациясы" ЖШС, "Каскор-Транссервис"АҚ қатысты тергеулер жүргізілуде. "ҚТЖ "ҰК" АҚ, "Қазақтелеком" АҚ, "Аймақ "ҚТГ" АҚ, "Транстелеком" АҚ, азық-түлік тауарларын сату үшін сауда алаңдарын жалға беру қызметтері бойынша сауда базарларына қатысты монополияға қарсы заңнаманы бұзу белгілерін анықтау бойынша талдау жүргізілуде, - делінген баяндамада.
Қазірдің өзінде отандық экономиканың көптеген секторларын монополиясыздандыру жөнінде кейбір ұсыныстар бар, сондай-ақ таяудағы бес жылға арналған бәсекелестікті дамыту тұжырымдамасы әзірленуде.