Шенеуніктерге кез келген құнды сыйлықтар беруге тыйым салынады

Қазақстан Парламентінде мемлекеттік саладағы сыбайлас жемқорлыққа қарсы іс-қимыл туралы заңға түзетулер қабылданды.

ҚР Мәжілісінде 3 қыркүйекте Сенат депутаттарының Сыбайлас жемқорлыққа қарсы іс-қимыл мәселелеріне қатысты түзетулерімен келісті, деп хабарлайды Zakon.kz сайты. Бұл туралы депутат Жанат Жарасов жалпы отырыс барысында мәлімдеді.

- Сенат енгізген өзгерістер тұжырымдаманы өзгертпейді және Мәжіліс мақұлдаған заң жобасының мазмұнын нашарлатпайды, - деді ол.

Заң жобасына сәйкес, төрт кодекс пен 10 заңға өзгерістер мен толықтырулар енгізіледі. Мысалы, мемлекеттік қызметшілерге кез келген құнды сыйлықтар беруге тыйым салынады. Сондай-ақ, дербес құрылымдық бөлімшенің басшысынан төмен емес лауазымды атқаратын және квазимемлекеттік секторда сатып алумен айналысатын адамдарды сыбайлас жемқорлық субъектілеріне жатқызу ұсынылды. Шенеуніктердің туыстары қандай да бір сыйлықтар, қызметтер немесе ақшаны қабылдай алмайды.