Қазақстан Қасым-Жомарт Тоқаев Павлодар облысының жаңа әкімін тағайындады
Павлодар облысының жаңа әкімі - Әбілқайыр Сқақов
ҚР Президенті Қ.Тоқаевтың жарлығымен Әбілқайыр Сқақов Павлодар облысының әкімі қызметіне тағайындалды, деп хабарлайды zakon.kz Ақордаға сілтеме жасап.
Әбілқайыр Бақтыбайұлы Сқақов Павлодар облысының әкімі қызметіне тағайындалсын, делінеді жарлық мәтінінде.
Ол бұл қызметте үстінен тергеу жүріп жатқан Болат Бақауовтың орнына келді.Сқақов Әбілқайыр Бақтыбайұлы 1974 жылы 9 шілдеде Павлодар облысында дүниеге келді.
1995 жылы Ақмола қаржы-экономикалық колледжін (салық қаржыгері) бітірді. 2000 жылы - Шәкәрім атындағы Семей мемлекеттік университеті (экономист және қаржыгер). 2004 жылы - Қазақ құқық және халықаралық қатынастар институты (құқық бакалавры). 2017 жылы М.В. Ломоносов атындағы Мәскеу мемлекеттік университетінде оқуын аяқтады. ("Master of Business administration").
