Қазақстан ОСК-ге Қазақстан президенттігіне тағы бір кандидаттың құжаты келіп түсті
Қазақстандық қоғам қайраткері Жұматай Әлиев ОСК-ге "Халық демографиясы" қоғамдық бірлестігінен сайлауға ұсыну туралы құжаттарды тапсырды
Бұл туралы Орталық сайлау комиссиясының баспасөз қызметі хабарлады.
- Иә, ол құжаттарды берді. Кейінірек толық ақпаратты жариялаймыз, - деп атап өтті ОСК.
66 жасар Ж. Әлиев әр жылдары V сайланған Парламент Мәжілісінің депутаты, Орталық Азия университетінің ректоры, Қазақстан Республикасы Президенті Әкімшілігінің Ішкі саясат бөлімі меңгерушісінің орынбасары, Қазақстан халқы Ассамблеясы төрағасының орынбасары болды.
Заңнамаға сәйкес президенттікке кандидаттарды ұсыну құқығы белгіленген тәртіппен тіркелген республикалық қоғамдық бірлестіктерге тиесілі. Президент болып тумысынан Қазақстан Республикасының тұрығы, қырық жастан жас емес, мемлекеттік тілді еркін меңгерген, Қазақстанда соңғы он бес жылда тұратын және жоғары білімі бар республика азаматы сайлана алады. Бұдан басқа, Президенттікке кандидаттың мемлекеттік қызметте немесе сайланбалы мемлекеттік лауазымдарда кемінде 5 жыл жұмыс тәжірибесі болуы тиіс.
Президент сайлауына үміткерлерді ұсыну 28 сәуірде аяқталады. Қазақстан Президентінің кезектен тыс сайлауы 9 маусымға белгіленді.
