Қазақстан Асқар Мамин ҚР жаңа Премьер-министрі болып тағайындалды
ҚР Президенті Нұрсұлтан Назарбаев Асқар Маминді ҚР Премьер-министрі етіп тағайындау туралы Қаулыға қол қойды
Мемлекет басшысы Парламент Мәжілісінің пленарлық отырысына қатысып жатыр, деп жазды egemen.kz сайты. Жиын барысында Елбасы Нұрсұлтан Назарбаев Премьер-Министр қызметіне Асқар Маминды тағайындауды Мәжілістің қарауына ұсынған болатын. Мәжіліс депутаттары Асқар Маминнің кандидатурасын қолдады.
- Үкімет барлық қажетті өкілеттіктерді алды және халық алдында өз міндеттерін айқын орындауы тиіс, - деді Нұрсұлтан Назарбаев жиын барысында.
Асқар Мамин 1965 жылы 23 қазанда дүниеге келген. Целиноград инженерлік-құрылыс институтын және Плеханов атындағы Ресей экономикалық академиясын тәмамдаған. "Қазақстан Темір Жолы" АҚ басқарды, Астана әкімі және көлік және коммуникация министрі қызметтерін атқарды. Бірінші вице-премьер лауазымында 2016 жылдың қыркүйегінен бастап жұмыс істеді. Үкімет тараған уақытта премьер-министрдің міндетін атқарды.
