Қазақстанда жыл басынан бері жарты миллион адам жұмысқа тұрған

ҚР Еңбек және әлеуметтік қорғау министрі мадина Әбілқасымова "Еңбек" мемлекеттік бағдарламасының нәтижесін хабарлады, деп жазады " Қазақпарат" ХАА сайты.

- 2018 жылы бұл бағдарламаны жүзеге асыру үшін 112,9 млрд теңге бөлінген. Жыл соңына дейін тағы да 571 мың адамды жұмыспен қамту жоспарланған. Тоғыз айдың қорытындысы бойынша 82,5 млрд теңге меңгеріліп үлгерді. Қазан айындағы көрсеткіштерге қарасақ, жалпы бағдарлама 563 мың адамды қамтыса, оның 458 мыңы жұмысқа орналасқан. Ал оның ішіндегі 327 мыңы тұрақты жұмыс орындарына орналасқан, - деді ол.

Аталмыш бағдарламаның тиімділігін арттыру үшін өзгерістер күтілуде.