Қазақстан ҚР ІІМ телефондарды тіркеу қажеттігін ескертеді
2019 жылдың 1 қаңтарынан бастап абоненттік құрылғыларды IMEI-код +SIM-карта +ЖСН схемасы бойынша міндетті түрде тіркеу ережесі қолданысқа енеді
Ал 2019 жылдың 1 қаңтарына дейін абоненттік құрылғыларын тіркеуден өткізе алмаған қазақстандықтар байланыс қызметтерінсіз қалады, деп хабарлайды Zakon.kz сайты.
- Азаматтар өз байланыс құрылғыларын ағымдағы жылдың соңына дейін тіркеу қажет. Ұялы байланыс операторларының филиалдарында үлкен дүрбелең болдырмау үшін тіркеу рәсімін алдын ала ойластыруды кеңес береміз, - деп хабарлайды ІІМ.
Аталып өткендей, бұл азаматтардың мүдделерін қорғау үшін жасалып жатқан шаралар. Аталған тіркеулер ұрланған телефондарды анықтауға мүмкіндік береді.
