Қазақстан Қазақстанның қаржы министрі тағайындалды
ҚР Президентінің Қаулысымен Әлихан Асханұлы Смайылов ҚР Қаржы министрі болып тағайындалды
Сондай-ақ ол ҚР Президентінің көмекшісі қызметінен босатылды, деп хабарлайды ҚазАқпарат ХАА.
Әлихан Асханұлы Смайылов 1972 жылы туған. 1994 жылы әл-Фараби атындағы Қазақ мемлекеттік ұлттық университетін қолданбалы математика мамандығы бойынша бітірген.1996 жылы Қазақстан Республикасы Президенті жанындағы Қазақ менеджмент, экономика және болжау институтын тамамдап, мемлекеттік басқару магистрі дәрежесін алған.
2015 жылғы желтоқсанда Мемлекет басшысының Жарлығымен Қазақстан Республикасы Президентінің көмекшісі болып тағайындалды.
"Құрмет" орденімен, "Ерен еңбегі үшін", "Қазақстан тәуелсіздігіне 10 жыл", "Қазақстан Конституциясына 10 жыл", "Астанаға 10 жыл" медальдарымен марапатталған.
