Серік Ахметов түрмеден шықты

Қарағанды облысы, Абай ауданында орналасқан Қарабас ауылындағы колонияда жазасын өтеген Серік Ахметов 21 қыркүйек күні бостандыққа шықты. Серік Ахметов 2012-2014 жылдары үкімет басшысы қызметін атқарған еді, ал 2014 жылы Қорғаныс министрі ретінде қызметке кіріскен кезде оны қазына қаражатын жымқырды деп айыпталып, үй қамаққа алынған еді. Ал 2015 жылы Қарағанды соты Ахметовты 10 жыл бас бостандығынан айыру туралы үкім шығарады. Сонымен қатар, жеке мүлкі тәркіленіп, жалған кәсіпкерлік жасағаны үшін әрі қызметтік кұзіретін асыра пайдаланғаны үшін айыпталған болған. Ал 2016 жылы Ахметовтың жазасын өтеу мерзімі екі жылға қысқарды. Кейін бұрынғы премьер-министрге рақымшылық берілді.