Қазақстан Тәжікстанға 1,3 мың тонна азық-түлікпен гуманитарлық көмек жіберді
Душанбе қаласына Қазақстаннан 21 вагон гуманитарлы көмек жеткізілді. Бидай ұны, ет және сүт консерваларымен 1320 тонна азық түлік миллион долларға жетті
Гуманитарлы көмекті ресми түрде ұсыну салтанатында Душанбедегі Қазақстан елшісі Нұрлан Сейтімов Тәжікстанға республика жыл сайын қол ұшын созатыны туралы айтты.
- Тәжікстанда жиі орын алатын стихиялық апат біздің назарымызда. Мұндай апаттар барысында жергілікті тұрғындардың қатты қиналатынын біз түсінеміз. Біздің көмек шын жүректен, - дейді дипломат.
2015 жылы Қазақстан Тәжікстанға 4,7 млн долларға көмек көрсетті.