Қазақстан Дариға Назарбаева: Қазақстанда бір жұмысшы екі жұмыссызды асырайды
Парламент Сенатының депутаты Дариға Назарбаеваның пікірінше, қазақстандық қоғам кәсіпкерлікті меңгергенде ғана дами түседі
Дариға Назарбаеваның айтуынша, әрбір түлек бизнес-жоспар құрып, оны қорғауға қабілетті болуы керек.
- Бүгінгі ден кәсіпкерлікке қойылған. Сондықтан қазақстандық қоғам жан-тәнімен кәсіпкерлікке бой ұсынуы керек. 18 миллион жергілікті тұрғынның 8,5 миллионы ғана белсенді жұмыс істейді. Бұл дегеніміз әрбір жұмысшының екі жұмыссызды асырайтыны. Бұл бюджетке деген қысымды үлкейте түседі. Сондықтан Президент экономикадағы мемлекеттің еншісін қысқартып, жеке меншік қолға беріп, бизнесті қолдау керектігін айтады. Бұл табысты қоғам ретінде өмір сүре алатын жалғыз дұрыс қадам. Сондықтан балаларды аяқтарына нық тұрып, өз-өздеріне сенуге жастайынан тәрбиелей бастау қажет, - дейді Дариға Назарбаева Астанада өткен кәсіпкер әйелдер форумы аясында.
