Қазақстан Қазақстанның бұрынғы вице-премьері Тасмағамбетов Ресей елінің елшісі етіп тағайындалды
Елбасы Тасмағамбетовты Ресейдегі Төтенше және өкілетті елші қызметіне ауыстырды
Қазақстан Республикасының бұрыңғы премьер-министрінің орынбасары дипломатиялық қызметке тағайындалды. Бұл туралы Ақорданың баспасөз қызметінде мәлімделді.
«Мемлекет басшысы Үкіметтің кеңейтілген отырысынан соң Иманғали Тасмағамбетовты Қазақстан Республикасының Ресей Федерациясынындағы Төтенше және өкілетті елшісі қызметіне тағайындау жөнінде шешім қабылдағандығын жария етті»,-делінген хабарламада.
Естеріңізге сала кететін болсақ, Қазақстан Республикасының Президенті Нұрсұлтан Назарбаев Иманғали Тасмағамбетовты ҚР премьер-министрінің орынбасары қызметінен босату туралы Жарлығына қол қойған болатын. Тасмағамбетов ҚР премьер-министрінің орынбасары қызметіне 2016 жылдың 13 қыркүйегінде тағайындалған болатын.
