Қазақстан Путин Сирия бойынша Астанада өткен келіссөздер үшін Назарбаевқа алғыс білдірді
Екі ел президенттері телефон арқылы тілдесіп, Сирияға қатысты Астанада өткен кездесудің қортындыларын талқылады
Қазақстан Президенті Нұрсұлтан Назарбаев Ресей Федерациясының Президенті Владимир Путинмен телефон арқылы сөйлесті деп, хабарлайды Today.kz Мемлекет басшысының баспасөз қызметіне сілтеме жасап.
Мемлекет басшылары әңгіме барысында күн тәртібіндегі өзекті жаһандық мәселелер, соның ішінде Астанада өткен Сирияға қатысты халықаралық кездесу қорытындылары жөнінде пікір алмасты.
Владимир Путин Астанада сирияаралық келіссөздерді жоғары деңгейде ұйымдастыруға барлық қажетті жағдайды жасағаны үшін Нұрсұлтан Назарбаевқа алғыс білдірді.
Өз кезегінде Мемлекет басшысы Сирия дағдарысын реттеу тек бейбіт жолмен жүргізілуге тиіс екенін атап өтіп, алдағы уақытта да бұл үдеріске жан-жақты қолдау көрсетуге әзір екенін айтты.
Қазақстан мен Ресей Президенттері алдағы кездесулер кестесін қарастырды.
