Қазақстан ҚР Денсаулық сақтау министрлігі: халықты қайта вакцинациялауды жандандыру қажет
Бұл шара бүкіл ел бойынша қысқа мерзім ішінде COVID-19 ауруының айтарлықтай өсу деңгейіне байланысты
COVID-19-дың таралуын болдыртпау жөніндегі ведомствааралық комиссия отырысында ҚР Денсаулық сақтау министрі Ажар Ғиният елдегі эпидемиологиялық жағдай туралы хабарлады.
ҚР - да соңғы аптада КВИ - дің 8 156 жағдайы тіркелді және өткен аптамен салыстырғанда аурушаңдық 3,2 есеге, яғни, 2558-ден 8156-ға дейін өсті. Бұл ретте ауырғандардың 78%-ы Нұр-Сұлтан, Шымкент қалалары мен Алматы облысына тиесілі, онда аптасына КВИ-дің 500-ден астам жағдайы тіркелуде.
Науқастардың вакцинациялау мәртебесін талдау кезінде 89% - ы вакцинацияланбаған немесе 6 ай бұрын вакцинациядан және ревакцинациядан өткен адамдар екендігі анықталды", - деп атап өтті ҚР ДСМ басшысы.
Ажар Ғиният КВИ-мен сырқаттанушылықтың көтерілуіне байланысты ДСБ және өңірлердің медициналық ұйымдарының басшыларымен пациенттерге медициналық көмек көрсету мәселелері бойынша дайындық жұмыстары жүргізілгенін хабарлады.
Республика бойынша инфекциялық төсектерді жұмыспен қамту 30%-ды, реанимациялық төсектерді қамту 5%-ды құрайды.
Мемлекет басшысының Үкіметтің кеңейтілген отырысында берген тапсырмасын орындау барысында және науқастардың 80% - дан астамы вакцинацияланбаған адамдар екенін ескере отырып, өңірлер халықты қайта вакцинациялау науқанын жандандыруы қажет", - деп атап өтті Ажар Ғиният.