Қазақстанның 16 өңірі бұрынғыдай COVID-19 бойынша "қызыл" аймақта

Covid-19 таратпау жөніндегі ВАК 25 тамызда Қазақстан өңірлеріндегі эпидемиологиялық жағдайды бағалау матрицасын жариялады, деп хабарлайды Устинка LIVE тілшісі.

"Қызыл" аймақта: Нұр-сұлтан, Алматы, Шымкент қалалары, Ақмола, Ақтөбе, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.

"Жасыл" аймақта: Түркістан облысы.

Өткен тәулікте Қазақстанда ПТР-тестпен расталған коронавирустық инфекцияны жұқтырған 6 мың 040 жағдай тіркелді (пандемия кезінде барлығы 754 мың 891). 131 науқас қайтыс болды (барлығы 8 мың 643). Коронавирустан 8 мың 501 адам сауығып шықты (барлығы 631 мың 501).

Сондай-ақ, елімізде бір тәулік ішінде коронавирустық пневмониямен сырқаттанған 428 жағдай анықталды (2020 жылғы 1 тамыздан бастап барлығы 68 мың 298). 26 адам қайтыс болды (барлығы 4 мың 289).

25 тамызда КВИ-дан 120 864 адам (114 747 КВИ+ және 6 117 КВИ -) ем алуды жалғастыруда, соның ішінде:

● стационарларда – 27 666 науқас, 
● амбулаториялық деңгейде – 93 198 науқас бар. 
КВИ+ және КВИ науқастарының ішінде: 
● ауыр халде – 1 832 науқас, 
● аса ауыр халде – 550 науқас, 
● ӨЖЖ аппаратында – 262 науқас бар.