Қазақстан Алматыда "Дельта" штаммы анықталды
Алматының бас санитар-дәрігері Жандарбек Бекшин коронавирустың үнді штамының симптомдарын атады
Алматыда, алдын ала мәліметтер бойынша, "үнді" штаммына тән COVID-19 мутациясы анықталды, деп хабарлады Интерфакс-Қазақстанға қалалық санитарлық-эпидемиологиялық бақылау басқармасы бастығының орынбасары Сәдуақас Байғабылов.
Алдын ала деректер бойынша, оның қала бойынша айналым ықтималдығы анықталды. Толық геномдық зерттеу үшін қосымша уақыт қажет, - деді Сәдуақас Байғабылов.
Бұған дейін Алексей Цой Нұр-Сұлтанда тіркелген коронавирус деректерін тексеру барысында "дельта" немесе үнді штамының белгілеріне ұқсас жағдайдың тіркелгенін айтқан болатын. Министр бұл штамның өзгелерден айтарлықтай ауыр екенін ескертіп, осыған байланысты өңірлерден дәрі-дәрмек пен медициналық көмекке қажетті барлық жабдықпен қамтылуды сұрады.
Следующая →
Алдын ала деректер бойынша, оның қала бойынша айналым ықтималдығы анықталды. Толық геномдық зерттеу үшін қосымша уақыт қажет, - деді Сәдуақас Байғабылов.
Бұған дейін Алексей Цой Нұр-Сұлтанда тіркелген коронавирус деректерін тексеру барысында "дельта" немесе үнді штамының белгілеріне ұқсас жағдайдың тіркелгенін айтқан болатын. Министр бұл штамның өзгелерден айтарлықтай ауыр екенін ескертіп, осыған байланысты өңірлерден дәрі-дәрмек пен медициналық көмекке қажетті барлық жабдықпен қамтылуды сұрады.
- Шотландиялық әріптестердің дерегі бойынша, бұл өте жұқпалы вирус, ұлыбританиялық штамнан екі есе асып түседі. Клиникада осы штамм бойынша ауруханаға түсу, қайтыс болу ықтималдығы жоғары. Ерекшелігі - іш буындарының қатты ауыруы, сондай-ақ есту қабілетін жоғалту осы штамға. Негізгі белгілер тұмауға ұқсайды - бас, тамақ ауруы, мұрыннан су ағуы және дене қызуының көтерілуі, бірақ иіс жоғалмайды, көп жағдайда жөтел болмайды. Міне, штамм симптомдарының ерекшелігі осы, - деді брифингте Алматы қаласы санитарлық-эпидемиологиялық бақылау басқармасының басшысы, қаланың бас мемлекеттік санитарлық дәрігері Жандарбек Бекшин.Оның айтуынша, жедел жәрдем қызметіне осыған дейін хабарланған. Төсек қорының дайындығы зерттеліп, дәрі-дәрмектердің қол жетімділігі тексеріліп жатыр.
- Алматыда бір ғана жағдай тіркелді. Біз ол адаммен барлық байланыста болғандарды тіркедік. Науқас үй шаруасындағы әйел, еш жерде жұмыс жасамайды. Үйде болған.Ол барған нысандарды ескердік, - деді Жандарбек Бекшин.Айта кетейік, "Дельта" немесе үнді коронавирус штамы аса контагиозды және анықталған штамдарға қарағанда жұқпалығы 60 пайызға жоғары, қазіргі айналымдағы штамдар 1 адамнан орта есеппен 3-4 адамға таралатын болса, бұл штамм 5-6 адамға бірден жұғады және 7 күнге созылатын қысқа инкубациялық кезеңмен ерекшеленеді.
